ಕವಿತೆ

ಎದೆಯ ಗೂಡಿನಲ್ಲಿ ಭಾವನೆಗಳ ದೀಪ
ಹೇಗೆ ಬಣ್ಣಿಸಲೆ ಕವಿತೆ ನಿನ್ನಯ ರೂಪ

ವಿರಹಿಗಳಿಗೆ ನೀನು ನೆನಪುಗಳ ಭಾರ
ಶಬ್ಧಗಳ ಹಾರ ಪಂಡಿತೋತ್ತಮರಿಗೆ

ಪ್ರೇಮಿಗಳಿಗೆ ನೀನೆ ಪ್ರೀತಿಯ ಮಾಲೆ
ಉಪಮೆಗಳ ಸಾಲು ಕವಿ ಪುಂಗವರಿಗೆ

ವಿಚಾರವಂತರಿಗೆ ನೀನೆ ತಾರ್ಕಿಕ ಶಕ್ತಿ
ನೀನೆ ಭಕ್ತಿಯು ಅನುಭಾವಿಗಳಿಗೆ

ಕಲ್ಪನೆಯ ಓಟ ನೀ ಕಾವ್ಯರಸಿಕರಿಗೆ
ಸಹೃದಯರಿಗೆ ನೀನೆ ರಸದೂಟವು

ಮನವ ತುಂಬಿದೆ ಇಂದು
ಕಾವ್ಯ ಕನ್ನಿಕೆಯ ಗುಂಗು
ಆಹಾ! ಎಂಥಾ ಸೊಗಸು
ಈ ಕವಿತೆಯಾ ರಂಗು!!

                ಉಷಾ ಗದ್ದಗಿಮಠ