ಭಾವಯಾನ

ಸ್ವಪ್ನಗಳ ಲೋಕದಲಿ
ಭಾವಗಳ ಯಾನ
ಗ್ಯಾಸ್ ಮುಂದೆ ನಿಂತಿದ್ದೆ
ಎಲ್ಲಿಯೋ ಇತ್ತು ಧ್ಯಾನ

ಸುತ್ತಾಡಲು ಹೊರಟಿದ್ದೆ 
ಮೋದೀಜಿಯೊಡನೆ ಡೆಲ್ಲಿ
ವಿಧಿಯಿಲ್ಲ ಕಟ್ಟಲೇಬೇಕಾಯ್ತು
ತೆರಿಗೆಯನು ಅಲ್ಲಿ

ಸಂಭ್ರಮದಿ ಓಡಿಸಿದೆ
ಹೊಸ ಕಾರನು ಗಲ್ಲಿ ಗಲ್ಲಿ
ಪೋಲಿಸಪ್ಪ ಗದರಿದ
ಮೇಡಂ ಲೈಸೆನ್ಸ್ ಎಲ್ಲಿ?

ಕೋಟ್ಯಾಧಿಪತಿ ಆಟದಲಿ
ಆಗಲಿದ್ದೆ ಮಸ್ತ್ ಶೈನ್
ಮೊದಲನೇ ಪ್ರಶ್ನೆಗೇ
ಬೇಕಾಯ್ತು ಲೈಫ್ ಲೈನ್

ಸೌಂದರ್ಯ ಸ್ಪರ್ಧೆಗೆ
ತಯ್ಯಾರಿಯೋ ತಯ್ಯಾರಿ
ಪ್ರಶಸ್ತಿ ಗೆದ್ದಳು
ಯಾವಳೋ ವೈಯ್ಯಾರಿ

ತಡೆಯಿಲ್ಲದೆ ಸಾಗಿತ್ತು
ಕಲ್ಪನೆಯ ತೇರು
ಮಗಳ ಧ್ವನಿ ಕೇಳಿಸಿತು
ಅಮ್ಮಾ ಆಯ್ತಾ ಸಾರು?
               ಡಾ.ಉಷಾ ಗದ್ದಗಿಮಠ